HERFS/AUTUMN BONUS TYDSKRIF 2026

https://www.toyota.co.za is die bedryf se sterk prestasie deur die verbetering van ekonomiese grondbeginsels deur die jaar ondersteun. Laer rentekoerse, verligting van inflasie – na verwagting gemiddeld 3,3% – en verhoogde politieke bestendigheid het gehelp om verbruikersvertroue en besteding te handhaaf. Voertuiginflasie het skerp tot ’n historiese laagtepunt van net 1,5% verlangsaam, terwyl hernude kredietbeskikbaarheid, die vrystelling van opgekropte vraag, groeiende aanvaarding van nuwe-energie-voertuie, en hoër volumes van invoer teen meer mededingende pryse tot ’n meer dinamiese en mededingende markomgewing bygedra het. Wat die toekoms betref, voorspel Naamsa verdere groei in 2026, ondersteun deur reële BBP-groei van tussen 1,4% en 1,6%, aangedryf deur voortgesette strukturele hervormings in elektrisiteitsopwekking sowel as vervoerinfrastruktuur. Nuwevoertuigverkope sal na verwagting met tussen 9% en 11% op ’n jaargrondslag verbeter. DESEMBER-VERKOPE SLUIT DIE JAAR STEWIG AF Toyota het 2025 op ’n hoë noot afgesluit en sy leiersposisie in Desember met ’n markaandeel van 25,6% gekonsolideer. Die maatskappy het algehele voertuigverkope van 12 933 eenhede vir die maand aangeteken, wat bestaan het uit 8 683 passasiersvoertuie, 4 000 ligte handelsvoertuie, en 250 medium en swaar handelsvoertuie. Die vlootafdeling het in Desember jaar-tot-jaar- groei van 13,2% gelewer, terwyl die onderdele- afdeling bykans twee miljoen komponente van die hand gesit het, insluitend 310 213 onderdele wat na internasionale markte uitgevoer is. Toyota se algehele voertuiguitvoer vir die maand het op 8 063 eenhede te staan gekom. Passasiersmotorverkope in Desember is gelei deur die Corolla Cross, gevolg deur die Starlet, die Starlet Cross, die Urban Cruiser, die Vitz en die Fortuner. Die Land Cruiser Prado het ook ’n noemenswaardige herlewing gelewer ten spyte van sy posisie in die weeldemotorafdeling. Wat die luukse segment betref, het Lexus ’n sterk prestasie behaal, met die LX-, die NX-, en die GX-modelle wat prominent op die verkoopranglys verskyn. Die Hilux het sy status in die ligtehandelsvoertuigsegment as die onbetwiste markleier behou – ondersteun deur sterk vertonings van die Land Cruiser 79 Pick Up en die Hiace, Quantum, en Coaster. Hoewel die medium- en swaarhandelsvoertuigsegment jaar-tot-jaar-afnames in ooreenstemming met breër bedryfsneigings weerspieël het, het Toyota en Hino voortgegaan om kritieke sektore soos konstruksie, logistiek, en landbou te ondersteun, wat ’n belangrike rol in die land se breër ekonomiese herstel vervul het. Wat die jaar as geheel betref, het Theron gesê 2025 was ’n bepalende tydperk vir Toyota sowel as die plaaslike motorbedryf. “Ons bedank ons Toyota-span en -handelaarsnetwerk vir hul toewyding en ons klante vir hul geloof in ons handelsmerke. Ons doelwit bly om uitsonderlike waarde te lewer en Toyota, Lexus, en Hino die handelsmerke van voorkeur in ons mark te hou,” het Theron afgesluit. www.agribonus.co.za Herfs/Autumn 2026 BONUS 87