HERFS/AUTUMN BONUS TYDSKRIF 2026

www.deheus.co.za | 031 785 1575 | infosa@deheus.com 3. Langlewendheid en volhoubaarheid Bulle is ’n groot finansiële belegging. Elke addisionele seisoen waarin ’n bul optimaal kan presteer, verhoog sy waarde in die kudde. Navorsing toon dat mineraalaanvulling, veral fosfaat, koper, en mangaan, ’n direkte rol speel in beensterkte, kraakbeenintegriteit, en hormone, wat bulle se produktiewe leeftyd verleng. Waarom is voeding ‘n belangrike aspek as direkte korttermynbestuurshulpmiddel? Hoewel genetika en gesondheid onmiskenbaar belangrik is, bied voeding die enkel grootste hefboom waarmee telers bulvrugbaarheid kan verbeter. • Energie- en proteïenbalans bepaal semen- volume en -kwaliteit. • Spoorminerale en vitamiene versterk die endokriene stelsel en ondersteun testoste- roonvlakke. • Behoorlike voeding verminder die effek van stres, beperk vrugbaarheidsverliese, en verhoog dekdrang. Omdat spermatogenese sowat 70 dae duur, kan aanvulling wat eers kort voor die dekseisoen begin, geen noemenswaardige verbetering lewer nie. Dit bevestig die bestuursbeginsel dat voeding minstens 60–90 dae voor die dekseisoen aangepas moet word. Die rol van De Heus RumiComplete Stud Pellets (V28724) As deel van ’n strategie vir teelvoorbereiding bied De Heus RumiComplete Stud Pellets (V28724) ’n volledig gebalanseerde teelrantsoen wat die spesifieke behoeftes van bulle aanspreek. RumiComplete Stud Pellets (V28724) verskaf: • Hoëgehalte energie en proteïen vir spermatogenese en spierontwikkeling. • Spoorminerale en vitamiene vir semenkwaliteit, hormonale balans en immuniteit. • ’n Voedingsprofiel wat optimale kondisie bevorder sonder oormatige vetneerlegging. Voerinname varieer volgens bulgewig, kondisie en ruvoergehalte. Dit bly egter krities dat bulle toegang tot goeie kwaliteit ruvoer het saam met die RumiComplete Stud Pellets (V28724). Gedurende die dekseisoen moet bulle se kondisie noukeurig gemonitor word. ’n Bul wat vinnig kondisie verloor, verloor ook stamina en dekdrang. RumiComplete Stud Pellets (V28724) kan as aanvulling gebruik word om energievlakke en uithouvermoë te handhaaf. Goed voorbereide bulle dek meer koeie vroeër in die seisoen, wat die kalfvenster verkort en ’n meer eenvormige kalfgroep verseker. Dit lei tot beter speengewigte, hoër markwaarde, en verbeterde kuddedoeltreffendheid. Slotgedagtes Vrugbaarheid is nie toevallig nie; dit is die resultaat van wetenskaplikgefundeerde bestuurs- en voedingspraktyke. Met doelgerigte voorbereiding en produkte, soos De Heus RumiComplete Stud Pellets (V28724), kan telers seker maak dat hul bulle fiks en vrugbaar is, en volhoubaar presteer, tot voordeel van die hele kudde. Voeding maak die verskil in ’n sterk kudde. Skakel ons tegniese adviseurs vir kundige leiding in teelvoorbereiding. Vir meer inligting, kontak jou naaste tegniese adviseur – https://www.deheus.co.za/meet-our- team.