SPRING SUMMER BONUS MAGAZINE 2026

Hierdie voordele strek verder as voerproduksie alleen en ondersteun die langtermynvolhoubaarheid van die boerderystelsel. Voerkwaliteit verander namate die gewas ontwikkel Babala lewer oor die algemeen goeie kwaliteit weiding met goeie verteerbaarheid en smaaklikheid, veral gedurende die vroeë groeistadiums. Voersorghum se voerkwaliteit word sterker deur die groeistadium en benuttingsbestuur beïnvloed, maar kan uitstekende resultate lewer wanneer dit betyds benut word. In beide gewasse neem die voedingswaarde af namate plante ouer word. Tydige benutting bly daarom een van die belangrikste bestuursbesluite om voerkwaliteit te behou. Die regte gewas vir die regte doel Daar is selde een gewas wat alle uitdagings oplos. Die grootste waarde lê daarin om die gewas te kies wat die beste by die boerderydoel, omgewing, en benuttingsbestuur pas. Waar voersorghum uitblink in droëmateriaalproduksie, bied babala vinnige vestiging, laerisikobeweiding en goeie voerkwaliteit. Wanneer hierdie gewasse strategies as deel van ‘n voerproduksiestelsel gebruik word, kan dit help om somervoerbeskikbaarheid te verbeter, produksierisiko in klimaatskommelings te versprei, en die beskikbare hulpbronne doeltreffend te benut. By AgroFors glo ons dat suksesvolle voerproduksie nie deur enkele gewasse bepaal word nie, maar deur die regte gewas op die regte plek. Daarom word AgroFors kultivars onder Suid-Afrikaanse toestande geëvalueer om boere te help om met groter sekerheid besluite te neem wat by hul boerderystelsel pas. Spring/Summer 2026 BONUS www.agribonus.co.za 102