SPRING SUMMER BONUS MAGAZINE 2026

• binding van atmosferiese stikstof; • verbetering van voerkwaliteit; en • ondersteuning van grondmikrobiologie. Voorbeelde sluit in sonhennop, akkerbone, dolichos en bokwiet. Breëblaargewasse lewer weer ‘n ander bydrae deur: • worteldiversiteit te verhoog; • grondstruktuur te verbeter; en • voedingstofsiklusse te ondersteun. Voorbeelde sluit in radys, raap en bokwiet. Wanneer hierdie spesies saam met voersorghum en babala gebruik word, ontstaan ‘n funksionele somermengsel waarin elke komponent ‘n spesifieke rol vervul. Bestuur bepaal die sukses van die mengsel Selfs die beste spesiesamestelling sal nie sy doel bereik sonder goeie bestuur nie. Belangrike bestuursbeginsels sluit in: • tydige vestiging in warm grond; • aangepaste saaidigthede om kompetisie tussen spesies te beperk; • rotasieweiding om hergroei te bevorder; en • die voorkoming van oorbeweiding, veral vroeg in die seisoen. Wanneer somermengsels benut word, behoort voldoende blaarmateriaal agter te bly om die grond te beskerm en voortgesette fotosintese moontlik te maak. Die waarde word oor tyd opgebou Die grootste voordeel van somermengsels lê nie noodwendig in een seisoen se voerproduksie nie, maar in die kumulatiewe verbetering van die boerderystelsel. Wanneer voersorghum en babala deel vorm van funksionele mengsels, dra hulle oor tyd by tot: • beter grondstruktuur; • hoër organiese materiaal; • meer stabiele voerproduksie; en • beter verdraagsaamheid teen droogte en hitte. Hierdie voordele ondersteun nie net die huidige produksieseisoen nie, maar help om insetkoste oor tyd te stabiliseer en verbeter die langtermynproduktiwiteit van boerderystelsels. Bou ‘n stelsel, nie net ‘nmengsel nie Daar is nie een resep vir ‘n suksesvolle mengsel nie. Die grootste waarde lê daarin om spesies te kombineer wat mekaar aanvul en saam die doel van die boerderystelsel ondersteun. Voersorghum en babala is reeds bewese somergewasse, maar hul grootste bydrae lê daarin dat hulle deel vorm van ‘n groter stelsel waarin voerproduksie, grondgesondheid en hulpbronbenutting gelyktydig verbeter word. By AgroFors glo ons dat suksesvolle somermengsels nie rondom enkele gewasse saamgestel word nie, maar rondom die funksies wat die boerderystelsel benodig. Wanneer elke komponent ‘n spesifieke doel vervul, word die mengsel meer as net ‘n bron van voer. In ‘n veranderende en toenemende inset-gedrewe boerderypraktyk, word mengsels ‘n belegging in die langtermynproduktiwiteit van die grond en boerderystelsels. www.agribonus.co.za Spring/Summer 2026 BONUS 115